Taipei zoo သို့အလည်တခေါက်

ပြီးခဲ့တဲ့ တနင်္ဂနွေက တိရစ္ဆာန် ဥယျာဉ် သို့အလည်တခေါက်ရှောက်ရှိခဲ့ပါတယ်..လက်မှတ်က အလကားရလို့ ... လူကြီး နှစ်ယောက် လက်မှတ် နှင့် ကလေးလက်မှတ် နှစ်စောင်ပါ.. ပြီးတော့ အထဲမှာ ၀ယ်စားဖို့ ၂၀၀ လဲပေးပါတယ်.. တခြားနှစ်ယောက်က မသွားလို့ ၀ါဝါကို ပေးလိုက်တော့ လက်မှတ်တွေက အများကြီးပဲ.. ၀ယ်စားလို့လဲ အများကြီး ရသွားတယ်လေ... ခုတောင် လက်မှတ် ကျန်သေးတယ်.. လကုန်ထိပဲသွားလို့ရပါတယ်. ..

အရင်တုန်းက သွားတုန်း ကမြေအောက်ရထား စီးသွားတယ်လေ.. စနေ နှင့် တနင်္ဂနွေ နှစ်ရက် မြေအောက်ရထား ပြင်နေလို့ ဆိုင်ကယ်နဲ့ သွားပါတယ်... ဆိုင်ကယ် နှင့် သွားတာ ပိုပြီးအဆင်ပြေပါတယ်.. အလွန်ဆုံး နာရီဝက် ဆိုရောက်ပါတယ်.. မြေအောက်ရထားဆို တနာရီကျော်လောက် ကြာပါတယ်.. နှစ်ခါလောက် ပြောင်းစီးရပါတယ်.. ဟိုရောက်တော့ ၉နာရီရှိပါပြီ.. ၉နာရီစဖွင့် တာ.. လူမရှိဘူးထင်နေတာ လူတွေအများကြီးပဲ...ကလေးတွေလဲ ကျောင်းနှစ်လပိတ်ထားတော့ ကလေးတွေလဲ အများကြီးပဲ...

ဝင်ဝင်ချင်းမှာပဲ Panda bear ကိုကြည့်ဖို့ လက်မှတ်ပေးပါတယ်.. ၉နာရီ ၄၀ မှဆိုတော့ Koala ကိုအရင် သွားကြည့် တယ်. တကောင်ပဲ တွေ့တယ်..အိပ်နေလို့ အပြင်က ပို့စတာ ကိုပဲရိုက်လာတော့တယ်... ချစ်စရာလေးနော်..

ဘယ်ဘက်ကို ဆက်လျှောက်သွားတော့ Parrot အရောင်စုံလေးတွေကို သွားကြည့်တယ်... အရောင်သုံး မျိုးတွေ့ရပါတယ်...၀ါ စိမ်း ပြာ သုံးကောင်လေ..

ဘေးနား မှာ Pony Horse လဲရှိတယ်လေ.....

အောက်ကပုံက Linnaeus's Two-toed Sloth လို့ခေါ်ပါတယ်... တရက်ကို ၁၅နာရီလောက် အိပ်ပါတယ်.. ထလာလို့ ရှိရင် လဲ လှုပ်ရှားမှု လဲနည်းတယ်လို့ ရေးထားပါတယ်.. ကြည့်ပြီးထွက်လာတော့ ၉နာရီ ခွဲသွားပါပြီ... Panda bear ကိုသွားကြည့် ဖို့အချိန်က နီးလာပြီး ဆိုတော့ တန်းမြန်မြန် သွားစီပါတယ်..

Panda bear နှစ်ကောင်ကို တရုတ်ပြည်က လက်ဆောင် ပေးထားတာလေ.. တရုတ်နှစ်သစ် ကူးခါနီး ကပေါ့ .. သွားကြည့်တဲ့ လူတွေဆိုအများကြီးပဲ.. လူဦးရေ ကလဲ ကန့်သတ်ထားတယ်လေ... အဲဒီတုန်းက ဆို လူတွေများမှများ သတင်းမှာ အမြဲ ပြတယ်....အောက်ကပုံကတော့ အ၀င်ဝမှာပါ..

ထွမ်ထွမ် ရွမ်ရွမ် လို့ခေါ်ပါတယ်.. မြန်မာလို့ အဓိပ္ပာယ် ပြန်မယ်ဆိုရင် စည်းစည်းလုံးလုံး လို့အဓိပ္ပာယ် ရပါတယ်..

လက်ဆောင်ပစ္စည်းလေးတွေပါ.. လည်ပင်မှာပတ်ထားတဲ အပြာနဲ့ အနီမှာ နာမည်လေးတွေရေးထားပါတယ်... တကောင် ကို ၄၉၉ ပါ....ကြိုက်တာလေးတွေ ယူသွားလို့ရတယ်နော်....

ကားကို ရထားပုံစံ လုပ်ထားတယ်.. ပုံစံအမျိုးမျိုးပဲ..ရထားခေါင်းကိုမရိုက်မိလို့ ထိုင်နေတဲ့နေရာကနေ ရိုက်လိုက်ရပါတယ်.....

Pigeon လေးတွေ ကိုအစာကျွှေးနေပါတယ်...အကောင်ရေတွေလဲ နည်းလာသလိုပဲ.. အရင်တုန်းက လာကြည့် တုန်းက အများကြီးပဲ.. အစာကျွှေးနေတော့ ရေထဲကို ဆင်းလဲမဆင်း ဘူး..ရေကူးနေ ရင်ကြည့်လို့ပိုကောင်းတယ်လေ...

စတိုင်ကျကျနဲ့ လမ်းလျှောက်နေတယ်..

အပြင်ပြန်ရောက်လာတော့ M (i'm lovin' it) မှာ hamburger ၀ယ်စားတယ်..လူတွေအများကြီးပဲ.. ထိုင်ဖို့ နေရာမရှိတော့ဘူး.. စင်ရှေ့ မှာခုံတွေချထားလို့ အဲဒီမှာ သွားထိုင်စား ပြီးပြန်လာကြတယ်လေ...ဘိုင်ဘိုင်....

မြင်ကွင်းကျယ်သို့...

မူလမြင်ကွင်းသို့...

LeoFoo village သို့အလည်တခေါက်

ဘလော့ဂ်မရေးတာ ကြာလှပြီ..ဟိုတနေ့က လက်မှတ် နှစ်စောင် အလကားရလို့ ရှင်းကျူ မှာရှိတဲ့ LeoFoo village ကစားကွင်း တခုသို့ အလည်တခေါက် ရှောက်ရှိ ခဲ့ပါတယ်...မုန်တိုင်း သောကြာနေ့ က၀င်ရောက် ခဲ့ပါတယ်..စနေနေ့ ကထွက်သွားပါတယ်..ဒါပေမယ့် တနင်္ဂနွေ မှာလဲ မိုးကဆက်ပြီး ရွာနေပါတယ်..ကိုယ်ကလဲ သွားကစားချင်တော့ နောက်အပတ်ထိ မစောင့်နိုင် ပဲမိုးဖွဲဖွဲ ရွာနေတဲ့ ကြားကရောက်သွားပါတယ်...ကျင်အန်း မြေအောက်ရထား ထွက်ပေါက်မှာ ကားသွားစီး ပါတယ်... တယောက်ကို ကားခ NT ၁၁၈ ပေးရပါတယ်.... ကားတနာရီ လောက်စီးရပါတယ်...
အောက်ကပုံကတော့ အ၀င်ဝမုဒ်ဦးပါ...


Screaming condor ကစားနည်းပါ..ဓာတ်ခဲ ကအားသိပ်မရှိလို့ ဗီဒီယို တောင်သိပ်မရိုက်လာဖြစ်ဘူး..ဗီဒီယို ရိုက်မယ်ဆိုရင် ကင်မရာက ပိတ်ပိတ်သွားလို့ ဓာတ်ပုံကို တောင် မီးမဖွင့်ပဲ ရိုက်လာရပါတယ်..ဒါကြောင့်မို့လို့ သူများရိုက်ထားတာကိုပဲ ကူးယူတင်ပြလိုက်ပါတယ်...

ရထားနှင့်ကားစီးပြီး လိုက်ကြည့်တုန်းက ရိုက်ထားတဲ့ပုံတွေပါ...အောက်ကပုံ ထဲမှာ တိရစ္ဆာန် အတုလဲ ပါတယ်နော်....

















ဒါကတော့ သူတို့ရဲ့ guide map စာရွက်လေးပါ..အနှစ် ၃၀ ပြည့်အထိမ်းအမှတ် အနေနှင့် ၇လပိုင်းနှင် ၈လပိုင်း နှစ်လကို အထူးလျှော့ ဈေးနှုန်းနှင့် ဈေးလျှော့နေပါတယ်...NT ၄၅၀ ပါ.. ပုံမှန် အချိန်ဆို ရင် NT ၈၉၀ ရှိပါတယ်..
သူတို့ website ကိုလဲသွားရောက်လည်ပတ်နိုင်ပါတယ်.. http://www.leofoo.com.tw/village/








အိပ်တော့မယ်..ဘိုင်ဘိုင်...

မြင်ကွင်းကျယ်သို့...

မူလမြင်ကွင်းသို့...

အမှတ်ရစရာ အချိန်လေးများ

ဝါ၀ါ ငယ်ဘ၀ကို အရမ်းသတိရတာပဲ..ဘာလို့လဲဆိုတော့ ပူပင်စရာ မရှိလို့ပါ..အသက်ကြီးလာလေ စိတ်ပူစရာတာ များလာလေပဲ .. ငယ်တုန်းကဆိုရင် ဘယ်သွားမယ် ဘာစားမယ် ဘာဝယ်မလဲ စာဖတ်တာက လွဲလို့ပေါ့နော်..

မှတ်မိတာ သူငယ်တန်းအခန်းမှာ တုန်းက တူတူထိုင်ဖြစ်တဲ့ သူငယ်ချင်း ၁ ယောက်ရှိပါတယ်..အခန်းတွေက S ကစတယ်..အနောက်မှာ A B C..လိုက်တယ်..တတန်း အတန်းတင်ပြီးလို့ ရှိရင် ရတဲ့အမှတ် နဲ့ခွဲတယ်..ဒါကြောင့် အခန်းတွေက မတူဘဲ ဖြစ်ကုန် တယ်..နောက်ပိုင်းတော့ အခန်း မခွဲတော့ဘူး..တစ်တန်းရောက်တော့ အခန်းတွေကွဲ သွားတော့ အတူတူ မဟုတ်တော့ဘူး .. ဘယ်သူနဲ့ ထိုင်လဲ သိပ်မသိတော့ဘူး..နှစ်တန်း ရောက်တော့ မ- နှင့် အတူတူထိုင်ဖြစ်တယ်..သုံးတန်း ရောက်တော့ ထပ်ကွဲသွား ပြန်ပြီ..

လေးတန်းရောက်တော့ ပြန်တွဲဖြစ်တယ်..ဒါပေမယ့် သူမှာ သူငယ်ချင်း နှစ်ယောက်ရှိတယ်လေ..၀ါ ပါပါရင် လေးယောက် ဖြစ်သွားတယ်လေ...အဲဒီတုန်း က ရုပ်ရှင်ကားတကားတင် တယ်..နာမည်က သူရဲလေးကောင်လေ ..အသေ အချာတော့ မသိတော့ဘူး..၀ါတို့ကလဲ လေးယောက်ဆိုတော့ ၀ါတို့ လေးယောက်ကို သူရဲလေးကောင် လို့ခေါ်တယ်လေ .. ကျောင်းမှာ အားလပ် ချိန်ဆိုရင် ရုပ်ရှင်ဝှက်တမ်း ဆော့ဖြစ်တာ များတယ်..တန်းစီနေတုန်း ကြိုးခုန်ကြတယ်..

အဲလိုနဲ့ ကစားရင်း ကျောင်းတက်ရင်း စာဖတ်ရင်း ကိုးတန်းရောက်လာတယ်.. ကိုးတန်းရောက်တော့ သူငယ်ချင်း နှစ်ယောက် အတူတူ ၀ိုင်း တက်ဖြစ်တယ်..အဲဒီမှာ နှစ်ယောက် ထပ်တိုး လာတယ်.. ဆယ်တန်း အထိ ကျောင်းမှာတော့ အတူတူုပါပဲ.. ကျူရှင်မှာတော့ အကုန်လုံးတော့ အတူတူ မတက်ဖြစ်ပါဘူး..၀ါတို့ ဆယ်တန်းရောက်တော့ ကျောင်းကိုအချိန်ပြည့် တက်ရတယ်လေ..၇၅ ရာခိုင်နှုန်း ပြည့်အောင် တက်ရတယ်လေ..၀ါတို့ အရှေ့ တနှစ်ကလူတွေဆို အချိန်ပြည့် တက်စရာ မလိုဘူး..

ငယ်ငယ်တုန်းက ဆိုရင် တက္ကသိုလ်တက် ရရင် ပျော်စရာကောင်းမှာ ပဲဆိုလို့ မျှော်နေရ တာအမောပဲ..ဒါပေမယ့် ဆယ်တန်း ပြီးတော့ တက္ကသိုလ်က မဖွင့်သေးဘူးလေ.. ကျောင်းက ပိတ်ထားတုန်း.. အဲဒါမှာ ဒီကိုရောက်လာတာပဲ..ဒီမှာ တစ်နှစ်နေပြီး ရန်ကုန်ပြန်ပြီး တက္ကသိုလ် ပြန်သွားတက်တယ်.. ပထမ တရက်ကျောင်းသွားတော့ စိတ်ကိုညစ်သွားတာပဲ.. ဘာလို့လဲ ဆိုတော့ မပြောတော့ပါဘူး .. (အကြောင်းရင်းက စာမေးပွဲ အရမ်းနှီး နေလို့ပါ.. ခေါင်းထဲမှာ အပူမီးတွေ တောက်နေတယ်လေ.. ဘယ်လိုဖြေရမလဲဆိုတာ.. စာကလဲ မဖတ်တာကြာပြီဆိုတော့ ဘယ်လို ရိုက်သွင်းရမှန်း တောင်မသိတော့ဘူး)

တနှစ်တက်ပြီး နောက်တနှစ်ရောက်တော့ ဆောက်လုပ်ဆဲ ကျောင်းသစ်ကို ပြောင်းသွားရတယ်.. ကျောင်းတက်တာ ပျော်စရာကောင်းလာ ပါတယ်.. ဒါပေမယ့် ကျောင်းကတော့ ပြေးတုန်းပဲ.. ၇၅ ရာခိုင်နှုန်းတော့ ပြည့်အောင် တွက်ပြီး တက်ပါတယ်.. ကိုယ့်အခန်း အားလပ်ချိန်ဆို ရင် သူများ အခန်းကို လိုက်ပြေးတက်တယ်.. ဒါဆိုရင် ပြေးလို့ ရတဲ့ ရက်တွေ ထွက်လာပါတယ်.. အဲဒါနဲ့ နောက်ဆုံးနှစ်ကို ပြီးသွားပါတယ်.. မကြာပါဘူး..ဒီကိုပြန်ရောက်လာတယ်.. ဒီမှာပဲခဏတာ ရပ်လိုက်ပါတော့မယ်..

မြင်ကွင်းကျယ်သို့...

မူလမြင်ကွင်းသို့...