Tuesday, May 19, 2009

SHIN KONG MITSUKOSHI

အရင်လက နယ်ကိုကိစ္စ ရှိလို့ ထိုင်ပေ ဘူတာကြီး သို့ရောက်ခဲ့ပါတယ်..ရထား ကိုးနာရီ အချိန်မမှီ လို့ ဆယ်နာရီ ရထား လက်မှတ်ဝယ်ပြီး ဘူတာကြီး ရဲ့အပြင်ဘက်ထွက်လာခဲ့ပါတယ်.. ဟိုကြည့် ဒီကြည့်ရင်းနဲ့ 新光三越(SHIN KONG MITSUKOSHI) ကိုတွေ့လို့ ပါလာတဲ့ ကင်မရာနဲ့ မှတ်တမ်းတင်ခဲ့တယ်..တခါမှ မရိုက်ဖြစ်ဘူး..ကပ်ကျော် ကုန်တိုက်ကြီးပေါ့.. နာမည် ကထူးခြား နေတယ်မဟုတ်လား..တရုတ်နဲ့ ဂျပန် နာမည်ဖြစ်နေတယ်လေ..ဘာလို့လဲဆိုတော့ တရုတ်ကုမ္ပဏီ နှင့် ဂျပန်ကုမ္ပဏီ နှစ်ခု ပေါင်းပြီး ၁၉၈၉ ခုနစ် စတင်တည်ဆောက်ကာ ၁၉၉၃ မှာဖွင့်ထားတာပါ...ဆိုင်ခွဲ တွေလဲနေရာ အနှံ့အပြား မှာရှိပါတယ်..အရင် တုန်းကတော့ အမြင့်ဆုံး တိုက်ပေါ့...၅၁ ထပ်ရှိတယ်..၁၉၉၇ မှာတော့ Kaohsiung ရဲ့ Tuntex 85 Sky Tower တိုက်ကြီး ကပေါ်လာပြီး ၂၀၀၄ မှာတော့ Taipei 101 ကအမြင့်ဆုံး ဖြစ်လာပါတယ်..SHIN KONG MITSUKOSHI ဈေးဝယ်လမ်းညွန် စာအုပ်လေးပါ..http://www.skm.com.tw/edm/str110/200905_15TRV/index.html ... ၀ီကီ မှတဆင့် ထုတ်နှုတ်ဖော်ပြထားပါတယ်..



ဘူတာရဲ့ တောင်အပေါက် နှစ်ပါ...

ရထားပေါ်မှာ ရိုက်ထားတာပါ..

ရထားမှ အပြင်သို့ ရိုက်ထားတဲ့ပုံ....

Kaohsiung ရဲ့ Tuntex 85 Sky Tower

Taipei 101

မြင်ကွင်းကျယ်သို့...

Thursday, May 14, 2009

အမှတ်ရစရာ အချိန်လေးများ


ဝါ၀ါ ငယ်ဘ၀ကို အရမ်းသတိရတာပဲ..ဘာလို့လဲဆိုတော့ ပူပင်စရာ မရှိလို့ပါ..အသက်ကြီးလာလေ စိတ်ပူစရာတာ များလာလေပဲ .. ငယ်တုန်းကဆိုရင် ဘယ်သွားမယ် ဘာစားမယ် ဘာဝယ်မလဲ စာဖတ်တာက လွဲလို့ပေါ့နော်..

မှတ်မိတာ သူငယ်တန်းအခန်းမှာ တုန်းက တူတူထိုင်ဖြစ်တဲ့ သူငယ်ချင်း ၁ ယောက်ရှိပါတယ်..အခန်းတွေက S ကစတယ်..အနောက်မှာ A B C..လိုက်တယ်..တတန်း အတန်းတင်ပြီးလို့ ရှိရင် ရတဲ့အမှတ် နဲ့ခွဲတယ်..ဒါကြောင့် အခန်းတွေက မတူဘဲ ဖြစ်ကုန် တယ်..နောက်ပိုင်းတော့ အခန်း မခွဲတော့ဘူး..တစ်တန်းရောက်တော့ အခန်းတွေကွဲ သွားတော့ အတူတူ မဟုတ်တော့ဘူး .. ဘယ်သူနဲ့ ထိုင်လဲ သိပ်မသိတော့ဘူး..နှစ်တန်း ရောက်တော့ မ- နှင့် အတူတူထိုင်ဖြစ်တယ်..သုံးတန်း ရောက်တော့ ထပ်ကွဲသွား ပြန်ပြီ..

လေးတန်းရောက်တော့ ပြန်တွဲဖြစ်တယ်..ဒါပေမယ့် သူမှာ သူငယ်ချင်း နှစ်ယောက်ရှိတယ်လေ..၀ါ ပါပါရင် လေးယောက် ဖြစ်သွားတယ်လေ...အဲဒီတုန်း က ရုပ်ရှင်ကားတကားတင် တယ်..နာမည်က သူရဲလေးကောင်လေ ..အသေ အချာတော့ မသိတော့ဘူး..၀ါတို့ကလဲ လေးယောက်ဆိုတော့ ၀ါတို့ လေးယောက်ကို သူရဲလေးကောင် လို့ခေါ်တယ်လေ .. ကျောင်းမှာ အားလပ် ချိန်ဆိုရင် ရုပ်ရှင်ဝှက်တမ်း ဆော့ဖြစ်တာ များတယ်..တန်းစီနေတုန်း ကြိုးခုန်ကြတယ်..

အဲလိုနဲ့ ကစားရင်း ကျောင်းတက်ရင်း စာဖတ်ရင်း ကိုးတန်းရောက်လာတယ်.. ကိုးတန်းရောက်တော့ သူငယ်ချင်း နှစ်ယောက် အတူတူ ၀ိုင်း တက်ဖြစ်တယ်..အဲဒီမှာ နှစ်ယောက် ထပ်တိုး လာတယ်.. ဆယ်တန်း အထိ ကျောင်းမှာတော့ အတူတူုပါပဲ.. ကျူရှင်မှာတော့ အကုန်လုံးတော့ အတူတူ မတက်ဖြစ်ပါဘူး..၀ါတို့ ဆယ်တန်းရောက်တော့ ကျောင်းကိုအချိန်ပြည့် တက်ရတယ်လေ..၇၅ ရာခိုင်နှုန်း ပြည့်အောင် တက်ရတယ်လေ..၀ါတို့ အရှေ့ တနှစ်ကလူတွေဆို အချိန်ပြည့် တက်စရာ မလိုဘူး..

ငယ်ငယ်တုန်းက ဆိုရင် တက္ကသိုလ်တက် ရရင် ပျော်စရာကောင်းမှာ ပဲဆိုလို့ မျှော်နေရ တာအမောပဲ..ဒါပေမယ့် ဆယ်တန်း ပြီးတော့ တက္ကသိုလ်က မဖွင့်သေးဘူးလေ.. ကျောင်းက ပိတ်ထားတုန်း.. အဲဒါမှာ ဒီကိုရောက်လာတာပဲ..ဒီမှာ တစ်နှစ်နေပြီး ရန်ကုန်ပြန်ပြီး တက္ကသိုလ် ပြန်သွားတက်တယ်.. ပထမ တရက်ကျောင်းသွားတော့ စိတ်ကိုညစ်သွားတာပဲ.. ဘာလို့လဲ ဆိုတော့ မပြောတော့ပါဘူး .. (အကြောင်းရင်းက စာမေးပွဲ အရမ်းနှီး နေလို့ပါ.. ခေါင်းထဲမှာ အပူမီးတွေ တောက်နေတယ်လေ.. ဘယ်လိုဖြေရမလဲဆိုတာ.. စာကလဲ မဖတ်တာကြာပြီဆိုတော့ ဘယ်လို ရိုက်သွင်းရမှန်း တောင်မသိတော့ဘူး)

တနှစ်တက်ပြီး နောက်တနှစ်ရောက်တော့ ဆောက်လုပ်ဆဲ ကျောင်းသစ်ကို ပြောင်းသွားရတယ်.. ကျောင်းတက်တာ ပျော်စရာကောင်းလာ ပါတယ်.. ဒါပေမယ့် ကျောင်းကတော့ ပြေးတုန်းပဲ.. ၇၅ ရာခိုင်နှုန်းတော့ ပြည့်အောင် တွက်ပြီး တက်ပါတယ်.. ကိုယ့်အခန်း အားလပ်ချိန်ဆို ရင် သူများ အခန်းကို လိုက်ပြေးတက်တယ်.. ဒါဆိုရင် ပြေးလို့ ရတဲ့ ရက်တွေ ထွက်လာပါတယ်.. အဲဒါနဲ့ နောက်ဆုံးနှစ်ကို ပြီးသွားပါတယ်.. မကြာပါဘူး..ဒီကိုပြန်ရောက်လာတယ်.. ဒီမှာပဲခဏတာ ရပ်လိုက်ပါတော့မယ်..

မြင်ကွင်းကျယ်သို့...

Sunday, May 10, 2009

အမေများနေ့

ဒီနေ့ မေလရဲ့ ဒုတိယပါတ် တနင်္ဂနွေနေ့ .. ကျေးဇူးကြီးမားတဲ့ မွေးမိခင် အမေများနေ့ကျရောက်ပါတယ်။ ကမ္ဘာတစ်ဝှမ်းမှာ ကျင်းပတဲ့ နေ့ရက်တွေ မတူညီကြပါဘူး။ ဒီအောက်ကပုံလေးကတော့ မေလရဲ့ ဒုတိယပါတ် တနင်္ဂနွေနေ့ ကို အမေများနေ့လို့ သတ်မှတ် ပြီး ကျင်းပကြတဲ့ နိုင်ငံတွေကို ဝီကီကနေ တင်ပြထားပါတယ်။ ပုံကြီးချဲ့ကြည့်မှ မြင်ရမှာနော်..

အမေများနေ့မှာ အမေများအားလုံး ပျော်ရွှင်ကြပါစေ။



ကုမ္ပဏီကနေ အမေများနေ့အထိမ်းအမှတ် လူတိုင်းကို ပေးတဲ့ ကာနေးရှင်းပန်းလေးတွေပါ... အမှတ်တရ အဖြစ်တင်ထားပါတယ်...







ကိတ်မုန့်လေးတွေ သုံးဆောင်သွားပါဦး။ ဒီနေ့ညနေက အိုက်မိုင် 愛買 supermarket ကိုရောက်လို့ ဝယ်ခဲ့တာလေးတွေပါ...
ဒီမှာတော့ ကိတ်မုန့်တွေ၊ ပန်းတွေ အမေများနေ့မှာ လက်ဆောင်ပေးတာ အရမ်း ခေတ်စားပါတယ်။





မြင်ကွင်းကျယ်သို့...

Thursday, May 7, 2009

DAISO ဈေးဝယ်ထွက်ခြင်း

ဟိုနေ့က Global Mall လေးရောက်တုန်း Daiso ဂျပန်ကုန်တိုက်ကို ရောက်ခဲ့ပြန်တယ်.. Global Mall အကြောင်းကိုတော့ ပို့စ်လေးရေးခဲ့ဖူးပါတယ်... Daiso ဆိုတာ ဂျပန်မှာ ၁၉၇၂ တုန်းက စဖွင့်ခဲ့ပြီး ကမ္ဘာ့နိုင်ငံ တော်တော်များများမှာ ဆိုင်ခွဲတွေ ဖွင့်လှစ်ထားပါတယ်။ ဂျပန်နိုင်ငံမှာ ဆိုင်ခွဲပေါင်း ၂၅၀၀ ရှိပါတယ်.. အခြား နိုင်ငံ မှာတော့ ၄၇၀ ရှိပြီး ထိုင်ဝမ်း ဆိုင်ခွဲ ၁၂ ဆိုင်ပါ အပါအ၀င်ပါ....သူတို့ရဲ့ website လေးက ဒီမှာပါ... ပစ္စည်းအမျိုးအစုံ ရောင်းပါတယ်.. အစားအသောက်၊ အလှကုန်ပစ္စည်း၊ မီးဖိုချောင်သုံး ပစ္စည်းအမျိုးမျိုး နှင့် အိမ်အသုံးအဆောင် ပစ္စည်း စုံလိုပါပဲ...ဒီနိုင်ငံမှာတော့ ဆိုင်ထဲက ဘာပစ္စည်း ဝယ်ဝယ် NT $ 39 ကျသင့် ပါတယ်။ အဲဒီနေ့က ပစ္စည်း ရှစ်မျိုးဝယ်လိုက်တာ NT $ 312 ကျသင့်သွားပါတယ်။ မုန့်လဲ ဝယ်ဖြစ်လို့ ပို့စ်တင်လိုက်ပါတယ်။ သုံးဆောင်ကြပါဦး....



မြင်ကွင်းကျယ်သို့...

Friday, May 1, 2009

ပေ့ခယ်မြောက် သို့ အလည်တစ်ခေါက်...

မင်္ဂလာပါ.. ထိုင်ပေမြို့နယ်၊ စန်းကျေး ဆိုတဲ့ နေရာလေးမှာ တည်ရှိတဲ့ ပေ့ခယ်မြောက် (貝殼廟)ဘုရားကျောင်း ဖြစ်ပါတယ်... ထူးဆန်းအံ့သြဖွယ် အရမ်းကောင်းပါတယ်.. ဘုရားကျောင်းတစ်ခုလုံး ပင်လယ်ထဲက ခရု၊ သန္တာကျောက် စတာတွေနဲ့ တည်ဆောက်ထားတာပါ.. နိုင်ငံခြားသား ဧည့်သည်တွေရော ပြည်တွင်းခရီးသွားတွေနဲ့ပါ အမြဲမပြတ် စည်ကားနေတာပေါ့... သန္တာကျောက် အမျိုးအစား ၁၀၀ ကျော်နဲ့ ခရုမျိုး ၆၀၀၀၀ ကျော်တို့ ပါဝင်တန်ဆာဆင်ထားပြီး ၂ နှစ်ကြာ အချိန်ယူတည်ဆောက်ခဲ့ရတယ်လို့ သိရပါတယ်...



အောက်ကပုံလေးကတော့ အမွှေးတိုင်ထွန်းညှိပူဇော်ဖို့ အမွှေးတိုင်အိုးပါ...











မြင်ကွင်းကျယ်သို့...